جميل الدويهي: رِدّو القمر عا مطرحو

| 23.10,19. 03:31 PM |




رِدّو القمر عا مطرحو



جميل الدويهي


يا هالوطن
يا وقعتْ من قلب الكتاب
يا هربتْ منّي
وما بقا معروف وينك بالضباب...
يا هالجبين الفوق
يللي علّم حروف الكتابه للدِّني...
وكنت الغني
صفّيت اعمى
والبحر بيناتنا
وما بينْشف بميِّة سنه.
_______

يا هالوطن زعلان منّك
قد ما عذّبتني...
وتركتني عالشطّ
عم حاكي السكوت
وقدّيشني مشتاق عا هاك البيوت
عالسنديانه...
عالنهر...
عالمصطبه الفوقا عِنب
وكْبوش توت
ما خفت مرّه من السفر
لكن بخاف من الضجر
وبخاف إنّي بعيد عن لبنان مُوت.
_______

ردّو إلي الطفل الزغير
يللي تركتو
وبعْد غافي عالسرير...
انكسْرو اللعَب...
والريح شلحتني أنا
وضحكة عيوني
بقلب بير...
لا تسالوني: منين إنت؟ منين؟
ما عندي هويّه
غير هالجرح الكبير...
من الصبحْ عم اشحد
عا جسر المملكه
وكلّ البقي عندي
قميص مجعلكه
من بعد ما كنت الأمير.
_______

يا هالوطن
ليش الحرامي فيك قاعد بالصوَر؟
عم يضحك وما بيستحي
قولك ضميرو من حجر؟
وبيمْدَحو شعّار
هللي بيسرقو مال اليتامى
وقال: ما عندُن خبر...
يا ناس متل العاصفه والرعد
إتتو غيّرو التاريخ...
ردّو للشجر لون الشجر
ردّو القمر عا مطرحو
بيروت أحلى كتير
مع ضوّ القمر
واللي بيقولو: الناس خدّام وعبيد
قولو لهن:
نحنا الكرامه
وثورة الشعب العنيد...
ونحنا اللي بدنا نفتح بواب الحديد
تا يرجع الإنسان يخلق من جديد.




(Votes: 0)

Other News

إيران : حملة اعتقالات واسعة في ”لردغان“ والمناطق المحيطة بها لمنع استمرار الانتفاضة د. منير موسى:haiku هَايْكُو حسن العاصي: خلف النوافذ المنسية د. منير موسى: بِلَادِي قَصِيدَةٌ عباس علي مراد: شوارع الصمت حسن العاصي: قبل أن يشيخ الليل جميل الدويهي: مْشيت بْضباب د. منير موسى{الجليل}: هَدِيلُ الْوَرْقَاءِ ابراهيم امين مؤمن: طريدُ الّليلِ... "البحر البسيط" د.منيرموسى: وَمَا أَدْرَاكَ مَا " كِتَابُ الْوَجْهِ"، وَمَا "وَجْهُ الْكِتَابِ"( الفيسبوك) د.جميل دويهي: إنتي سرّ كبير د. منير موسى: شَيْنٌ وغُبنٌ حسن العاصي : الأرض تغلق الغيوم د.منيرموسى: كحّلوا عيونكم عباس علي مراد: رحيل محمد وهبي: جَلْسَةٌ مِنْ نُورٍ د. منير موسى: ومضة محمد وهبي: دَرْبُ العَاشِقِينَ حسن العاصي: ضاق الشرق بالحياة د. مصطفى يوسف اللداوي: أحمد نمر حمدان في ذمة الله الشاعر المهجري د.جميل الدويهي: يخبّرو الجيران الأديبة مريم رعيدي الدويهي: حكايه قديمه حسن العاصي: أبحثُ في رثاء الصمت محمد وهبي: غَرَامٌ عميقٌ الشاعر المهجري د.جميل الدويهي: الأسامي عباس علي مراد: موائل العاشقين حسن العاصي: ننهي احتضار الحلم جميل الدويهي: من سنِه ما لقيتْ حالي آمال عوّاد رضوان: مَلَامِحِي مُفَخَّخَةٌ .. بِمَوَاعِيدَ مَوْقُوتَة! الناقد عبد المجديد اطميزة: فَوْضَى أَلْوانِي الْمُشَاكِسَةِ/ آمال عوّاد رضوان