بقلم الشاعرجميل نقولا الحايك "نقد اجتماعي"

| 03.04,14. 06:42 PM |





بقلم الشاعرجميل نقولا الحايك


"نقد اجتماعي"


انا والاَخ   وظروفي   الدقيقه

بمشاكل ما انوجد الها  طريقه

ولا عقلي    بمطلع    ابتكارو

تخايل هيك  فكره  من السليقه


الزعل بين البشر زايد  عيارو

حسَد مدري بغِض عم  الخليقه

هوني  بي   ساكِن  غير  دارو

وهوني    ام   نقلتها     رشيقه

خلِّت   تاولادا   كبار   صارو

ابتدت  عابيهم  تعمِل   طبيقه

 

وهوني  خي ضاع  باختمارو

وترك خيو لاَجل قصَّه  عتيقه

والتاني زعِل  خيوا  ما زارو

ماعاد استهضَم وجودو  دقيقه

 

وبنِت  بعمرها  الغرَد  كنارو

عمر  ستعش  وجناحا    طليقه

اهلا  فضلهُم   نكرِت   شعارو

اذا  ما  وافقو    توقَع    بضيقه

 

وخدلَك جار  ساكِن  حَد  جارو

وجارو   بلَّش    ينقّي   الحديقه

حتى يضِر جارو انشاف  نارو

بيتلفِن   جارنا    مولِع   حريقه

 

واذا  واحد  عم  يكبِّر عمارو

حتى  يسهِّل   ظروفو  المعيقه

اعتبر للمحكمي وصلِت خبارو

عمَر  أْجَر   وما    في    وثيقه

 

ليش  الجهِل   فارِض   اعتبارو

تا ياخد  مطرحو  محَل   الحقيقه

واذا   هالكون    حلّلنا     بدارو

منطلع     كلنا    عيلي    عريقه

 

تعو  تا جيلنا    ننشِل    زغارو

قبل   ما  ينام    نومتنا   الغميقه

ارجعو  تا نتوب  للرب  ومزارو

حتى     لو   غرقنا     با  لخطايا

علينا    ننشل     النفس    الغريقه

"خواطر"

يا ريت  كل منا  يشوف  العايبو

بلكي   بخفِّيف    إنتقاد    حبايبو

دشّرو كل شخِص عا ذوقو يعيش

وكل    منا    يكتفي    بمصايبو

×××

ياما  أهل عا  ولادهُم   ناحو

  وراحو بعكِس ما ولادهُم راحو

الأولاد  يللي  معاكسين  الأهل

مابيو صلو  عا  محَل  يرتاحو




(Votes: 0)