الشاعِر جميل نقولا الحايك: "ذكرياتي"

| 28.12,17. 09:39 PM |


بقلم الشاعِر جميل نقولا الحايك

"ذكرياتي"



يا بنِت تلفّتي  صوبي  وهاتي

شي بسمِه  تعِيد  فيي ذكرياتي

أنا مَع  ذوكرياتي  في  حبايب

قدرو يدخّلوا  البسمي  لحياتي



ماعمرو الظَن  فيهُم كان خايب

ولابذكُر  يوم    ذكرو   سيآتي

وعليي  كِل   ما زادو  المتاعِب

يجو  تا  يشَجعوني  عا  ثباتي



أنا بشكُر الأب  الهَيك   جايب

نشامَه   مُرّهُم    سكَّر    نباتي

فيهُم   شفِت  أكتَر  من   قرايب

المعي  تعبو   تا كمِّل   أومنياتي



وعند ما صرِت عن  لبنان غايب

شعرِت اهجُربلادي  مُش صفاتي

هوني بتدى شَعري  يصير شايب

وبعين مرايتي   شعَرِت  بشماتي



وصرِت عالبعِد متِل  الطفِل لايِب

يا متِل الما  عرِف  تلِت  التلاتي

أو  متِل   العملُّلو   عمَل    عايب

و أنا  كرمال  عينو  جلدِت   ذاتي



ورَغِم عايش  بسدني  وجَو طايب

شعرِت  عَم  تصغَر  عليي  عباتي

لأنو   يا    أنصاري   يا     نسايب

يا أما  علآ  خَيالي  الكون   ضيِّق

يا أما  عا الهَجِر   بللَش   خواتي

"خواطر"

يا أحبابي  المستمعين

محَل الإنتو موجودين

وصتني بلادي  وبتقول

لا ينسوني   المغتربين

××××

نحنا  أرضَك   يا  لبنان

ما مننساها مهما   صار

ولامنرضا تصفي بركان

تحرقنا  وتلّهَب   بالنار



ولا  بدنا  يرجَع  حفيان

اللي كان  متوّج   بالغار

ولا منقّبل نبعَت جوعان

من الشَربيني ياكُل  تين

××××

يا أحبابي  المستمعين

محَل الإنتو موجودين

وصتني بلادي وبتقول

لا ينسوني  المغتربين

××××

كيف  بدنا  ننساكي  وليش

بدنا   ننسى   أحلى    بلاد

وكيف منقدِر ننسى الجيش

التوَّج    أرزتنا      بأمجاد



وكيف منرضى بلحظِة طيش

نضيِّع    أتعاب      الأجداد

ونعمِل متِل  الجايب    خَيش

يغطِّي   الأرزات    الحلوين

××××

يا أحبابي المستمعين

محَل الإنتو موجودين

وصتني بلادي وبتقول

لا ينسوني  المغتربين

××××

بأفراح الضيعَه المعروف

اللي  ما بترقُص   بتهنِّي

والدبيكي صفوف صفوف

و   القوالي         بتغنِي



والحلوين رفوف  رفوف

بهل الضيعَه المتِل الجنِّي

وتّذكرني   لما    تشوف

الحلوين  بأحلى  فساطين

××××

يا أحبابي المستمعين

محَل الإنتو موجودين

وصتني بلادي وبتقول

لا  ينسوني  المغتربين

:::::::::::::::::::::::::::




(Votes: 0)

Other News

إيراهيم امين مؤمن: رقصةٌ تترجمُ أُسطورة جمالِكِ المحامي د. جهاد نبيل ذبيان: اعتزلت العروبة الشاعر محمد وهبي: الحب في الوقت الضائع عباس علي مراد: أجفان السهر الشاعر محمد وهبه: ذكاء النسيم شاعر الوطن يهدي كل مواطن إماراتي ديوان "مشاعر وطن 71" الشاعر محمد وهبي: رسالتي الأخيرة الشاعر حاتم جوعيه: لَحْنُ الفِدَاء الشاعر محمد وهبي:تسكن العيون الشاعر حاتم جوعيه: لكِ أكتبُ أحلى الأشعار - قصيدة الزمن للشاعر سيمون إبراهيم الشاعر محمد وهبه: كوكتيل الشاعر حاتم جوعيه: قصيدة رثائيَّة في الذكرى السنويَّة على وفاة الشاعر والأديب الكبير المرحوم الدكتور جمال قعوار الشاعرة فلورا قازان: خَمرُ الشِفَاه الشاعرة عناية زغيب: وجع الغياب الشاعر المهجري جميل ميلاد الدويهي: زعلْتي أكيدْ الشاعِر جميل نقولا الحايك : "دموع ما نشافو" عباس علي مراد: خيول اللهفة الجامحة محمد وهبه:نسيج القلوب الشاعر المهجري د.جميل ميلاد الدويهي: العطرُ من أقلام حِبري موكبُ الشاعر جميل نقولا الحايك: فرَح الإبِن بعيد الإم الشاعر محمد وهبه: في عتمة الليل الشاعر المهجري د.جميل ميلاد الدويهي: "عصفور بالغصن العَبي" قصيدة شكِر الى الزميل والشاعِر الكبير الأستاذ عادِل خَداج المحترَم بقلم الشاعِر جميل نقولا الحايك الشاعر المهجري جميل ميلاد الدويهي: برْكي هوا بيردّني الشاعر جميل نقولا الحايك:"عيد الشهداء استراليا" الشاعر جميل نقولا الحايك: "عيد الفصِح" محمد وهبي: في منتصف الليل الشاعِر جميل نقولا الحايك: بمناسبة زيارة معالي وزير الخارجية المهندس جبران باسيل المحترَم الشاعر جميل نقولا الحايك: "فتحولي وجربوني"