الشاعر المهجري جميل الدويهي: معقول إنّك تزعلي منّي

| 23.11,17. 05:10 AM |


معقول إنّك تزعلي منّي



الشاعر المهجري جميل الدويهي


معقول إنّك تزعلي منّي

وإنتي الوحيده العَزّ من ُروحي؟

ومعقول مش عم تسألي عنّي

وإنتي سؤال بيشْبه جروحي...

ميّة سنه ضايع كنت وبْعيدْ

تحت الشمس ما عرفتْ بيتي وين

وميّة سنه رح إنطُر مواعيد

تا ترْجعي يا حلوة العينين...

ولمّا سَألْني الوقت: شو اللي صار؟

ما عرفت جاوب، وانتهى أمري...

وما قدرت قلّو: "بأمرها محْتار

خِلْقِتْ معَي، ومعْها خلِصْ عمري”...

هلّق ما بدّي فلفش الإيّام...

مش صعْب عندي غَيّر الفكرَه

وإن كان بدّك بهْجُر الأحلام

وبِطْلع من الماضي ومن البُكْره...

معوّد لَحالي عِيش قبل وبعد

وقدّيش ضاع البحر... والمِينا

وقدّيش ناس تفرْكشو بالوعد

مِدْري الوُعود تفرْكَشو فينا...

ولولا رحتْ متل الهَوا بأيلول

وصار الورَق عا دروبْنا أصفر

ضَلّي أذكِري حبّي لِكي عا طول

وآخر قصيدِه كتبت بالدفتَر...

وحتّى العمْر ما يْكون قاسي كتير

اعطيني وجَع عا قدّ ما فيكي

اعطيني عَتم قدّ الزمان، كبير...

وما تطلبي من البال إمْحِيكي.





(Votes: 0)

Other News

الشاعر محمد وهبي: الحب في الوقت الضائع عباس علي مراد: أجفان السهر الشاعر المهجري د.جميل ميلاد الدويهي: "بكرا السنونو بيرْحلو" الشاعر محمد وهبه: ذكاء النسيم شاعر الوطن يهدي كل مواطن إماراتي ديوان "مشاعر وطن 71" الشاعر محمد وهبي: رسالتي الأخيرة الشعر جميل الدويهي: كلما سألتْ عن إسم الشاعر حاتم جوعيه: لَحْنُ الفِدَاء الشاعر محمد وهبي:تسكن العيون الشاعر حاتم جوعيه: لكِ أكتبُ أحلى الأشعار - قصيدة الزمن للشاعر سيمون إبراهيم الشاعر المهجري جميل الدويهي:هربان منها الشاعر محمد وهبه: كوكتيل الشاعر حاتم جوعيه: قصيدة رثائيَّة في الذكرى السنويَّة على وفاة الشاعر والأديب الكبير المرحوم الدكتور جمال قعوار الشاعرة فلورا قازان: خَمرُ الشِفَاه الشاعرة عناية زغيب: وجع الغياب الشاعر المهجري جميل ميلاد الدويهي: زعلْتي أكيدْ الشاعِر جميل نقولا الحايك : "دموع ما نشافو" عباس علي مراد: خيول اللهفة الجامحة محمد وهبه:نسيج القلوب الشاعر المهجري د.جميل ميلاد الدويهي: العطرُ من أقلام حِبري موكبُ الشاعر جميل نقولا الحايك: فرَح الإبِن بعيد الإم الشاعر محمد وهبه: في عتمة الليل الشاعر المهجري د.جميل ميلاد الدويهي: "عصفور بالغصن العَبي" قصيدة شكِر الى الزميل والشاعِر الكبير الأستاذ عادِل خَداج المحترَم بقلم الشاعِر جميل نقولا الحايك الشاعر المهجري جميل ميلاد الدويهي: برْكي هوا بيردّني الشاعر جميل نقولا الحايك:"عيد الشهداء استراليا" الشاعر جميل نقولا الحايك: "عيد الفصِح" محمد وهبي: في منتصف الليل الشاعِر جميل نقولا الحايك: بمناسبة زيارة معالي وزير الخارجية المهندس جبران باسيل المحترَم