الشاعِر جميل نقولا الحايك : "دموع ما نشافو"

| 29.05,17. 01:40 AM |





"دموع ما نشافو"

بقلم الشاعِر جميل نقولا الحايك


يا  رايحين    بعيد    تصطافو

انشالله   بمَناخ   الجرِد  تتعافو

منطلبكمُ   تحضو    بمصطافين

حضوة  شَخِص  بردان  بلحافو

من قلوبنا عَن  جَد   مخطوفين

وما في انخطَف  بيطيق خطافو

وبحيسكُم   جيران    موزونين

عيوني سمحولي قول شو شافو

انتو  ما شفتو   بنتكُم  تخمين

اللي  بالدموع   عيونها   طافو

ولا عا  الخطَبها  بان  منتبهين

ولاَ  عَطيتوا    مجال   يتصافو

صبرو تا يبقو  بجوهُم  حلوين

وقلب الخطيب   احتَرَق  سلافو

وصارو عيونو  دموع  مليانين

وتبشّلَلو  الكلمات   عا   شفافو

وتا  قول لِلسامِع  خاطبها  مين

الشَب اللي  منو  سباع  بيخافو

وساعِة ما صابِت  بَيّها  السكين

متل  البَرِق   شالو  على   كتافو

ولما  دَخَل  مستوّصف  رياحين

تَركو  ورجِع  لِلضرَب  ما  عافو

أخدو   بإيدو    لمغّفَر    بتغرين

تا  يبَيّنوا   لهَلّ    الشَر  أهدافو

هالمشكلي  ما  صار  الها  سنين

تا   نقول   عَقلو   بَلَّش   نشافو

و المَا   شَعَر    بتنين   مغرومين

ولا شاف  عَينين  الملاني  دموع

مُش رَح يشوف  دموع ما نشافو

"خواطر"

يا بيي الخفِت عليي

من حاررِة آب

قلِّي شو بتعمِل فيي

لو قلبي داب

××××

الخاطبني عامِل جهدو

حتى  يرضِيك

ويا ما سهراني بعهدو

تا  يصيح  الديك

لا تجبرني عا بعدو

الله  يخليك

ومُش حلوي يبقى وحدو

بآب  اللهاب

××××

يا بيي الخفِت عليي

من حاررة آب

قلِّي شو بتعمِل فيي

لو  قلبي  داب

××××

تركتو واقف عا البير

اللي بجنب العين

متل اللي بحرب الزير

تبشّلَل سنتين

قللي وين بدّو يطير

من غراب البين

الحالِف بيّفِز الشير

ان ضلينا حباب

××××

يا بيي الخفِت عليي

من حاررة آب

قلِّي شو بتعمِل فيي

لو  قلبي  داب

××××

إيدي بحِطَا عا خَدِّي

صرلي  من  سنين

متل اللي عايش شِدّي

ويا  ألله  تعين

ورَبّي يجعلَّك جِدِّي

من  القديسين

لا تبعدني من البدِي

إفتحلو الباب

××××

يا بيي الخفِت عليي

من حاررِة آب

قلِّي شو بتعمِل فيي

لو قلبي داب

::::::::::::::::::::



(Votes: 0)

Other News

عباس علي مراد: خيول اللهفة الجامحة محمد وهبه:نسيج القلوب الشاعر المهجري د.جميل ميلاد الدويهي: العطرُ من أقلام حِبري موكبُ الشاعر جميل نقولا الحايك: فرَح الإبِن بعيد الإم الشاعر محمد وهبه: في عتمة الليل الشاعر المهجري د.جميل ميلاد الدويهي: "عصفور بالغصن العَبي" قصيدة شكِر الى الزميل والشاعِر الكبير الأستاذ عادِل خَداج المحترَم بقلم الشاعِر جميل نقولا الحايك الشاعر المهجري جميل ميلاد الدويهي: برْكي هوا بيردّني الشاعر جميل نقولا الحايك:"عيد الشهداء استراليا" الشاعر جميل نقولا الحايك: "عيد الفصِح" محمد وهبي: في منتصف الليل الشاعِر جميل نقولا الحايك: بمناسبة زيارة معالي وزير الخارجية المهندس جبران باسيل المحترَم الشاعر جميل نقولا الحايك: "فتحولي وجربوني" الشاعر جميل نقولا الحايك: "مديونكُم مديون" محمد وهبي:لقاء عن بعد بمناسبة عيد الحبّ مقتطفات من ديوان شعري بعنوان "همس الحب" بقلم الدكتور جوزيف مجدلاني الشاعرة عناية زغيب: وجع الغياب الشاعر محمد وهبه:‏ حورية العسل الشاعر جميل نقولا الحايك: "عَم ترهجي" الشَاعِرة فْلورَا قَازَانْ: عزوف .. الشاعِر جميل نقولا الحايك: كابتن جيمس كوك والحاكم أرثى فيليب "عيد إكتشاف استراليا الحبيبه" الشاعر د. جميل الدويهي: بنت الخضَرجي الشاعِر جميل نقولا الحايك: "حِط زيح" قصيده قيلت قبل ٧٠٠ سنه لابن خويلد بن سعود الصليمي الهذلي الشاعرجميل نقولا الحايك:"ساعتها بتجنِّنِي" الشاعر حاتم جوعيه: يا زينة الأوطان الشَّاعرة اللّبنانيّة فلورا قازان: حين تغنِّي فيروز الشاعرة عناية زغيب: تعآلَ محمد وهبه: منذ ان احببتها الشاعر د. جميل ميلاد الدويهي: لولا دقيقه بترحلي عنّي