Farah News Online

  http://www.farah.net.au/


الشاعِر جميل نقولا الحايك: "حِط زيح"

| 14.01,17. 03:19 AM |







"حِط  زيح"

بقلم الشاعِر جميل نقولا الحايك



يا صاحبي من كتِر ما نظرَك  شحيح

بتحِس  قادِر  قرنِة   السودا    تزيح

وبتحِس كل ما تجول  بالكون الفسيح

كِل   المنيح   اللي عَم  تشوفُه   قبيح



وحتى الجريح العَم  تحسُّو مُش جَريح

بيشبه  منيح   القلِت  عنُّه  مُش   منيح

ومنشان شو حسَّيت تعرِف مُش صحيح

بقلَك تا حتى عن   درِب  أعوج   تزيح



وبقول   لِلِّي  وصفَك   بديك   الفصيح

تا يرحمَك  تحِت   الفَصيح  يحِط  زيح

ويفهّمَك  ديك    الوقِف   عا المصطبي

بيحِس  طلِع   الضَوّ  ساعِة   ما يصيح

"خواطر"

البيقول  ما  بعيني   الدني  وفلوسها

بيشبه  عجوز    الناكره    فانوسها

وحتى يا صاحِب  بالكذِب  ما يعيّروك

لا تقول بسِت  الشمِس  حتى  تبوسها

××××

منشان  تالمغرور  تقدِر  تقهَرو

لا تخلِّط  جوهرَك   مع   جوهرو

وحتى اذا جار البدِر  قادر  تصير

لاتقول جار   البَدِر  حتي  تجاورو

::::::::::::::::::::::::::::::::


Farah News