الشاعرجميل نقولا الحايك:"ساعتها بتجنِّنِي"

| 11.01,17. 04:22 PM |






"ساعتها بتجنِّنِي"

بقلم الشاعرجميل نقولا الحايك


كل ما الشعِر بدَمّي يهِّب

بقدِّم     لِلعاشِق     فَنِّي

لكِن مُش رَح  فيّي  حِب

اللي  بيسرُق حَقِّي  منّي

××××

فتحنا بيوت وجبنا ولاد

بهَل الجنِه  النحنَا  فيها

وتا نبقى من الشَر بعاد

يا رَب  المجِد   حميها

وتا ترِد عيون  الحساد

من فضلَك قويِّي عطيها

وكل ماعليها عطفَك زاد

عا   ولادي     بتطمّني

××××

كل ما الشعِر بدَمّي يهِّب

بقدِّم     لِلعاشِق     فَنِّي

لكِن مُش رَح  فيِّي  حِب

اللي  بيسرُق  حقِّي منِّي

××××

عَم حِس براسِك وسواس

عن  ما ضيكي  عاميكي

دَخلِك  قولي  بأيا  قياس

عَم    بتقيسي   ماضيكي

جبنالِك   خاتِم     الماس

وقلنا      الله     يهنيكي

شو القصَه يا بنِت الناس

مُش  عَم    فيكي  تتهنِّي

××××

كل ما الشعِر بدَمّي يهِّب

بقدِّم     لِلعاشِق     فنِّي

لكن مُش رَح  فيّي  حِب

اللي  بيسرُق  حقِّي منِّي

××××

قلتلا    بيكفي     تَعتير

جنِّي  وخلِّي  الليل  يغار

وعالنبِع  العا كوع الشير

مشِّي  تا  نعمِل   مشوار

قالتلي  تهيَّئ   تا   نطير

وخلِّي  الليل  يصير  نهار

قلتلا   اللي    قلبو   كبير

بيفرَح     رأيو      تتبنِّي

××××

كل ما الشعِربدمّي يهِّب

بقدِّم     لِلعاشِق     فنِّي

لكن مُش رَح  فيّي  حِب

اللي  بيسرُق  حقِّي منِّي

××××

قالتلي   الله     يهديك

عيوني  بيجنُّو   بعينيك

وبفرَح شوفَك متِل الدِيك

وشباب  الضيّعَه  حواليك

وبفزَع شي  بنَيَّه  تغريك

من  بنيّات  الهَيك  وهَيك

وتبيع   القلِب    الشاريك

ساعتها            بتجنِّني

××××

كل ما الشعِر بدَمّي يهِّب

بقدِّم     لِلعاشق     فَنِّي

لكِن مُش رَح  فيِّي  حِب

اللي  بيسرُق  حقِّي منِّي

××××

كيف بتحكي هَل الحكيات

اللي  بمغزاهُم   جَرحوني

ما  بغيِّر   سِت    السِتّات

لو    ملكات     بيعطوني

أوعي تعيدي هَل الكلمات

اللي   بمعناهُم    أزيوني

لو حبسوني  بين   بنات

أياكي      فيّي      تظنِّي

××××

كل ما الشعِر بدمِّي يهِّب

بقدِّم     لِلعاشِق     فَنِّي

لكِن مُش  رَح  فيِّي  حِب

اللي  بيسرُق  حقِّي  منِّي

××××

يا بيك   الفاتحلي    دَيك

ما  فينا    نملِّي    بسلِّي

اللي كرامتها باسو جرَيك

عن    مَشيتها    لا  تقلِّي

بنتَك  ربياياني عا  دَيك

وقصِر  انخَتَّا    بتعّملي

رَح قلَّك  عاشِق  يا بيك

اللي كرامتها  عَم  غَنِّي

××××

كل ما بدَمِّي الشعِر يهِّب

بقدِّم     لِلعاشِق     فَنِّي

لكن مُش رَح  فيِّي  حِب

اللي  بيسرُق  حقّي منِّي

::::::::::::::::::::::::::




(Votes: 0)

Other News

الشاعر حاتم جوعيه: يا زينة الأوطان الشَّاعرة اللّبنانيّة فلورا قازان: حين تغنِّي فيروز الشاعرة عناية زغيب: تعآلَ محمد وهبه: منذ ان احببتها الشاعر د. جميل ميلاد الدويهي: لولا دقيقه بترحلي عنّي الشاعر جميل نقولا الحايك: "هذا الكعِك من ذاك العجين" الشاعِر جميل نقولا الحايك: قصيدة العام الجديد الشاعر المهجري جميل ميلاد الدويهي: هل تريد الحور أن يقبّل الأقدام؟ الشاعِر جميل نقولا الحايك: قصيدة العام الجديد الشاعِر جميل نقولا الحايك: عيد الميلاد المجيد الشاعر جميل نقولا الحايك: دمعتي في أربعين الموسيقار أبو مجِد ملحِم بركات الشَّاعرة اللّبنانيّة فلورا قازان: حين تغنِّي فيروز الشاعِر جميل نقولا الحايك: "حصرُم زماني" الشاعر محمد وهبه:لا تسأليني الشاعر د. جميل ميلا د الدويهي: أعطيتَني البحر الشاعر حاتم جوعيه: يا زينة الأوطان الشاعِر جميل نقولا الحايك:"قصيدة الإستقلال" الشاعرة عناية زغيب: تعآلَ فلورا قازان نبوءة المطر:فقَصيِدة وانْتِماء ‎ الشاعر د. جميل الدويهي: إنتي أميره بْقَصر الشاعِر جميل نقولا الحايك: "فخامة الرّئيس ميشال عون المحترم" الشاعِر جميل نقولا الحايك: دمّعَتي حزينة على الموسيقار الراحل الدكتور ملحِم بركات الشاعر جميل نقولا الحايك: قصيدتي في احتفال عيد ميلاد ابنتي الحبيبه الشاعرة فلورا قازان: تحدي الشاعِر جميل نقولا الحايك: يا حياتي الشاعرة عناية زغيب: تحيّةٌ وسلامُ "الشاعر جميل نقولا الحايك" روباعيات منوعه رقم 6 "الشاعِر جميل نقولا الحايك: "زلزالي فلورا قازان: وَجعُ أنا "الشاعِر جميل نقولا الحايك: "كان يا ما كان