Farah News Online

  http://www.farah.net.au/


الشاعِر جميل نقولا الحايك: عيد الميلاد المجيد

| 20.12,16. 11:23 PM |





قصيدة عيد الميلاد المجيد

بقلم الشاعِر جميل نقولا الحايك



قالولي صاحِب الميلاد مينو

قلِت إِلهُم يسوع  العاشقينو

البِي إنجِيلو تْلامِيذو خبرونا

عن النور الظهَر بمعاشرينو


وبعِد ما   خبرونا   خيرونا

اذا من  حِب  نتعَمَّد  عادينو

اقتنعنا  وساعة  اللي عمدونا

طلعنا من العماده لابسينو

وبعِد ما عن ليعازر خبرونا

شو صار ووين  كانو دافنينو

ابطلَب  من ربنا  وقوِّة أبونا

قام   الغمَر  خَيّاتو   بحنيِّنو


تاصارو اللي اجو تا يآّجرونا

يهنّونا   بأخونا   الباكّينو

وبإيد  التانيه   يستسمحونا

عن الرَب الما كانو  مصدّقينو


وعند  مابتدو  يبكو  حَزّنونا

وكل منهُم  بدِي  يندُب سنينو

وصرخو  يتوِّه  اللي  توهونا

تاحرمونا  الخَلاص  الامسينو


وصارو  يلعنو الما بشرونا

تا ننّعَم بالرجاء  الشايفينو

وكل  الطلِع  منا  صدقونا

نتيجة  حِمِل  بغِض  الحاملينو


وعلى المنا  نسمَع لا  تواخزونا

هَيدا  المِن  المُرشِد  حافظينو

و نحنا   نقلّهُم   دللو   لعنونا

اللَعِن  بركي  بيصير لسامعينو


وأماني كل  ما لعنتو  ذكرونا

تا نتبارَك   بِدين   السالكينو

وإذا بهَل العيد ردتو تعايدونا

رَح  من    قِلّكُم    الله   يعيدو

على  الناس  وعَا  كل معيّدينو 


"خواطر"

يسوعنا اللي قبِل كل الكون كان

قرَّر يجيي من امّنا بمِلء الزمان

منشان حتى  نآمن  ونمشي معو

ونعيش بالفردوس بجوارو بأمان


××××
يا ربنا  القدام   مجدَك بنحني

وبعرِف بلحّظه قادِر تهِز الدني

من كل قلبي بطلُب  وبستسمحَك

تعمِل نهايي  لهَلحروب  المزمني

::::::::::::::::::::::::::::::::


Farah News