Farah News Online

  http://www.farah.net.au/


الشاعر جميل نقولا الحايك: دمعتي في أربعين الموسيقار أبو مجِد ملحِم بركات

| 12.12,16. 05:36 AM |





دمعتي في أربعين ملَك 
الأغنيه وتلحينها الموسيقار
أبو مجِد ملحِم بركات



بقلم الشاعر جميل نقولا الحايك


بو مجِد من شي أربعين نهار غاب

من هال الدني وتوجَّه لرَبو طلوع

حلمتو بنومي نور طالِع من ضباب

وقدام مجِد الرَب عَم يضوي شموع


يا موسيقار الفيك جمهورَك ما خاب

غيابَك  تَرَك  بعيون  أحبابك  دموع

بقيت  بعيون  الفضَّلوا  فّنَك  شباب

متل  الكأنَك   أرز   وفنونَك  فروع


صدقوا اللي قالو هالدني  دنية عذاب

وعند  النهايي  لعنِد   فادينا  الرجوع

لكن  بوقِت  الموت  بيضيع الصواب

ومن نصير متِل الشبه ناجي من قطوع


بشو ما سألنا  كان  في عندَك  جواب

خالي  من   التلفيق   وغبار  الخضوع

إلا  لرَبَّك   ما  كنِت    تعمِل   حساب

وكنِت   للي   بيسألك   شهِم   وسموع


ما سمعِت في انسان  قدِر عليك  عاب

وتفرِّح   جواباتَك    قلوب    الجموع

وكان  دمَّك    يعمِل   عليك   انقلاب

لو شفِت شي انسان ضمرولو الركوع

وهوني بسدني كتير في عندَك  حباب

الكانوا بحفلاتَك  يجوا  بشوق  وولوع

وجوهر كلامي  محَل ما كانو  الذئاب

ما  بيقدروا  عا   بو   مجِد   يطاولو

اللي قدِر يطرُب سامعو ويخدُم يسوع

::::::::::::::::::::::::::::::::::::::::::::


Farah News