Farah News Online

  http://www.farah.net.au/


الشاعِر جميل نقولا الحايك: "حصرُم زماني"

| 07.12,16. 10:59 PM |





"حصرُم زماني"

بقلم الشاعِر جميل نقولا الحايك


أنا من الخَل يا حصرُم زماني

الخوابي ملَيْت وملَيْت القناني

كفا قناني وخوابي  صار بدِّي

خَمِر يقدِر   يناسِب  عنفواني


أنا ما بنّزوي  وإيدي عا خدِّي

ولا بقبَل امرُق بلحظَة  جباني

لأنو بحِس  كل ما  قلِت  ردِّي

قبِل  تاجي  بزَقِّف  صولجاني


أنا قضَّيت  عمري  رجُل  جَدِّي

وتاحافظ عالشعِر رَبّي سطفاني

و لإني   قادِر    وطالِع    بيدِّي

عليِّي مُش صعِب صون الأماني


مارَح خللي الزجل يمرُق بشدِّي

ولا  تعوّدِت اسكُت عا  الخياني

لأنو   الشعِر    قدَّملي    مهدِّي

اذا   هزَّيتها    بتعمِل    عياني


أنا مَنِّي بحرِب  مع  ناس ضدِّي

ولا من   شوعريّي  عَم   بعاني

ولا   أُمنيّتي    إعمِل     تحدِّي

ولا ناطِر جيب مال من الغناني


انشرِت شعري على الورِد  المندِّي

وعلى زهور العا غصن  البيلساني

تا حتى   يصحّ   فيّي  قَول   جدِّي

اللي قللي الموهبي المِن عنِد  رَبَّك

اذا   كان    فيك    قدّمها    مجاني


"خواطر"



بنت الشعِر لما وصلِت عا بابها

حسَّستني  صرِت  كل   حبابها

وقالِت قليل عليك  تاج المَملكي

ومَضّيِت بعِد ما توَّجتني كتابها

××××

قلتلها  شعِر    الزجَل     تيراثنا

وعايش  كإنو  بدمنا   واحساسنا

مش رَح نوافق حضرِة الجايب تَنَك

وجايي  تا  حتى   يبادلو   بألماسنا

::::::::::::::::::::::::::::::::::::::


Farah News