Farah News Online

  http://www.farah.net.au/


الشاعِر جميل نقولا الحايك:"قصيدة الإستقلال"

| 22.11,16. 11:05 AM |







"قصيدة الإستقلال"

بقلم الشاعِر جميل نقولا الحايك






لما النشامه  البعضهُم ّ  لزّو

قدرو  بعيد   الوطَن   يلتزّو

وكل اللي الهُم  غايبين سنين

رجعو بوِفاق   الشعِب  يتعزُّو


والغايبين   سنين    منتظرين

حتى   وطنهُم    يرجَع   لعزّو

ومعروف ما بيرجعو المغتربين

تا  يضمنو  ولادُن   ما   يتأزّو


نحنا بقانون الغرِب  مضمونين

ومعتّرين     الدربهُم      شَزّو

بلاد  الغرِب   تُحّكَم   بالقوانين

وقانونهُم  ما في   حَدى  يفزّو


ليش  بدنا   نعود   يا   محبين

عا وطَن  خالِط   برغلو  برِزّو

وكيف  بدنا   نعيش   مرتاحين

مع  ندِل  ناطِر   خنجرو  يغزّو


يا  رَب  نرجَع   ناس   متّحدين

تا  ما   وطَنا   الغِرِب    يبتزّو

ونحنا  نعود  بروس  مرفوعين

تاالكِل  واحِد   نصبَح   بلبنان

ولبنان   واحِد    مين    بيهزّو

"خواطر"

دخول الرئيس القَصِر  رَيَّح  بالنا

متِل    الكإنو     حظّنا     غنالنا

مُش بَس نحنا هون غامرنا الفرَح

الأرزات   فرحو   بعيد   استقلالنا

××××

القرنه   بوطنا   حضَّرِت   أطيابها

وزادِت  بياض  اللي  بجمال  تيابها

ومن  كتِر  ما  فرحِت   بعيد  بلادها

قبلِت    بصنين    وكتبلى     كتابها

:::::::::::::::::::::::::::::::::::::::::::

Farah News