Farah News Online

  http://www.farah.net.au/


الشاعِر جميل نقولا الحايك: "فخامة الرّئيس ميشال عون المحترم"

| 02.11,16. 01:38 PM |


"فخامة الرّئيس ميشال عون المحترم"



بقلم الشاعِر جميل نقولا الحايك



فَخامِة هَل الرّئيس اللي  بجللو

قدير  يرجِّع    المَجِد   لمَحللو

لإنو    ما    لعبها      طائفيي

ولاَ  بمذاهِب الظَرف   ستغللو



جَمَع كل اللي حَولو بصدق نيي

وهنِّي  بصدق  نيي  عليه  دللو

تا يصفِّي   رَئيس   الجمهوريي

وتا يتنفَّس  شعِب   لبنان   حللو



يا رَيّسنا  اللي   خَدت  الأكثريي

حباس  اللِّقمِة   الجُوعان  غللو

والشتغلوا    بدوائِر    لحكوميي

جيابُن  من  ليرات  الظلِم    تللو



وتا  حتى  يحَجّمونا    البَلطجيي

صارو  الما  دفَع  رشوي  يزللو

تا جبرو الخَرِج  حِمل  المسؤليي

قبِل   ما  الذِل   يشملهُم    يفللو



يا رَيّسنا   يا   شَيخ   الأشبهيي

اللي  ذَل  الناس  سوِّدلو  سجللو

تا  تبقى   بعهدَك  الدولي   قويي

وبِعَهدَك  يفرَح    الحقو   وصللو



وبَعِّد   عن   القاضي   السياسيي

تا  حتى  العدِل    يشملنا   بظللو

واعطي     لِلقانون      الأفضليي

وتحتو   سطِّر   الكسرو   يا  دللو



وأمِّن   كهربا    ميي   عا   ميي

لإنو  من   الظلام   الناس   مللو

ساعتها    بكِل   فَخِر   ومعنويي

رَح    بتشاهِد     الغياب    طللو



وساعتها بيرجعو  شباب الحميي

بَدَل  ما  بأرِض  غربتهُم  يضللو

وترجَع   تعمَر   الضيعه   الوفيي

تا كل  من  غاب  يرجَع عا  وطنا

و  يّعِم    الفرَح     لبنان     كللو

:::::::::::::::::::::::::::::::::


Farah News