Farah News Online

  http://www.farah.net.au/


الشاعِر جميل نقولا الحايك: دمّعَتي حزينة على الموسيقار الراحل الدكتور ملحِم بركات

| 02.11,16. 01:34 PM |



دمّعَتي حزينة على الموسيقار

الراحل الدكتور ملحِم  بركات

بقلم الشاعِر جميل نقولا الحايك





بو مجِد  يرحَل هالسني   مُش   هيّني

ويترُك وطَن مجروح مع شعبو الجَريح

لبنان   عندَك     كان    تلتين    الدني

رحِت  وتركتو  قبِل   ما ديوكو   تصيح



حِزّنِت  عليك  الناس   من  باني   وبني

يا موسيقار  الشرق    والكون   الفسيح

عشِت   الغنا   وتركِت   أكتَر  من  غني

يا  أبو  مَجد   الما   كنِت   تقبل   مَديح



كرمِت    بوطنا    الميسَره    والميمَني

وما  قبلِت   مرَّه   لِلحدود   تحِط   زيح

وكرسِت  بعبدا  الحَرمتَك   نوم   الهني

فرحِت   بريِّسنا    القلِت   الها    منيح



بغيرة   شفيعَك   مار  الياس   المتمني

وسلطان  يسوع   القدِر  مشَّا   الكسيح

اليوم  الوطنَ   مجدو  على  اساسو بني

ورح طمّنك رايح على الدَرب الصحيح



وإنِتْ    صللي     لِلجرَس    والمَيدني

تالشَعِب  عن  دَرِب  الكرامي  ما يزيح

وطْلاب  عنَّا  يرحَل   الشخِص   الدني

وخلفو   يروح   الحامِل   الفكِر  القبيح



وما زال   قرّرَت  انتقالك  هَل  السني

انشالله  بحِما  يسوع تغفى  و تستريح

وهوني   متِل   ما  كنِت   فينا   تعتني

يعتنو   فيك    الوصلوك   عْلا   السما

تا ترنِّم   بصوّتَك     لِيسوع    المسيح 

"تا خبّرَك عن عيلتك يا بو مجد"

ولادك يا بو مَجِد اللي بكيو شَيبتَك

يسوع  فيهُم   شفِت  زارِع  هيبّتَك

أخدوا عهِد   قدام   يسوع   المسيح

يبقوا على  ذات   المبادي   بغَيبتَك

:::::::::::::::::::::::::::::::::::


Farah News