Farah News Online

  http://www.farah.net.au/


الشاعر جميل نقولا الحايك: قصيدتي في احتفال عيد ميلاد ابنتي الحبيبه

| 24.10,16. 12:01 PM |





بقلم الشاعر جميل نقولا الحايك


"قصيدتي في احتفال عيد ميلاد ابنتي الحبيبه"






يا بنتي الغاليِه عليي  فهميني

كل   ما   بتكبَري    بتكبريني

وبهَل العيد الحلو التوَّج عرينِك

قدرّتي  بتاج   حلمي  تتوجيني



أنا   بطلُب    يزهِّر    ياسمينِك

تا ضَل  بسمعتِك  عللي  جبيني

وتا حتى يعرِف  اللي قال  مينِك

إنِّك  بنِت  هَل   العيلي  الرزيني



ساعتها  بيرفَع  جبيني  جبينِك

وساعتها   بعرفِك     بتقدريني

وساعتها بقلِّك ان  محّلو  سنينِك

خدي  من  جيبتي  ولا  تسأليني



أنا  بطلُب   من  الفادي   يعينِك

وانتِ انكان  فيكي  الناس عيني

وما زال  الكِل   نحنا   داعمينِك

ما لازِم  تمرقي  بلَحظَه  حزيني



نحنا   بتاج    مَلكي   متوجينِك

وأكتَر    ما     توقَّعنا     أميني

ومن  الأعماق  صرنا  عارفينك

رَح تضللي عا طول العمر زيني



اطلبي  كل   البنفسِك   سامعينِك

شَرِط  لا تقطّعي   رِبع  الخزيني

وبعيدِك  يشهدوا اللي حاضرينك

أنا  ما  ببّدُل    بضفرِك   مديني



وهلّق   بعِد    شِكِر   مشاركينِك

الي  عندِك   طلَب   لا  تجوهيني

ما  زال  بكِل   لحظَه  مناصرينك

اضربي فرام علا تلِت العمر وبْقي

صَبيّه    وأنا    ما     بتختيريني

::::::::::::::::::::::::::::::::::

Farah News