Farah News Online

  http://www.farah.net.au/


الشاعِر جميل نقولا الحايك: يا حياتي

| 21.10,16. 09:46 PM |







"الشاعِر جميل نقولا الحايك " يا حياتي 

بقلم الشاعِر جميل نقولا الحايك



أنا مجنون فيكي  يا  حياتي

جنون المِن خيلالو  ميِّزاتي

لأنو  كل    لحظه   عايشينا

بتسوى حَسب تقديري تلاتي


وعن  حساباتنا  اللي حاسبينا

يا رَبي  تبعِّد  عيون  الشماتي

خلقنا  لبعضنا  وعالدني جينا

تحتى  نلتقي ونعمِل   الآتي


في  أول  بَنِد بتشكَّر   فادينا

الخلَق فيكي صِفا بتشبه صيفاتي

وبتاني  بَنِد   يوم   الفَرَح   فينا

اتعاهدنا  يندمِج  ذاتِك  بذاتي


وبتالِت   بَنِد   خالقنا   عِطِينا

بخلقَه  كاملي   ولادي   وبناتي

وبرابِع بَنِد   وصَّلّناعا   مينا

بمركَب  قدِر  أمَنَّلي   نجاتي



وبخامس  بنِد  عاالمينا  هدينا

وقلِت عا البَرهاتي الإيد هاتي

وبسادِس  بَنِد   ساعِة   ما مشِينا

عاهاك الشَط   تركوني آهاتي



وبسابِع   بنِد  فادينا    الحمينا

عداتي  مجّدو    وطيعو  عداتي

لأنو   على    المينا   ما  رسينا

لو  ما  راد    حقِّق    أومنياتي



شعَر  فينا   ونزِل   دمُّو   سقينا

تا نحّيا وقال   شوفو   معجزاتي

رشدنا وعن  الما  بيسوى  نهينا

تحَتى بإسِم رَب المجِد   ذاتو

ثِبِتِّ وحضرتِك دعمِة   ثَباتي



"خواطر"


ربّي الخفَّف  آهاتي

شَجَّعني اضبُط  ذاتي

وكِل ماجتمعو بإسمُو تنين

بيحضَر تايصيرو تلاتي


××××

جول بهَل الكون المعمور

بتقشَع رَب المُش منظور

الضَوَا بعَقلي شعاع النور

وحقَّق    لي   امنياتي


××××

رَبّي   الخفَّف   آهاتي

شَجَّعني  اضبُط   ذاتي

وكلما جتمعو بإسمو تنين

بيحضَرتا  يصيرو  تلاتي


××××

مش جايي حاكِم أشرار

ولاجاي اعْمِل ناطور

جاي خللي الورد  زرار

يزيِّن  منبَرنا  المشهور


واللي جاي يزِّت حجار

بقللو توقى   من  التنور

عاداتي  عا المنبَر نار

ومُش رَح غيِّر عاداتي


××××

رَبّي الخفَّف آهاتي

شجَّعني اضبط ذاتي 

وكل ماجتمعو باسمو تنين

بيحضر تايصيرو تلاتي


××××

محبِّة رَبّي بقلبي جنون

ويا محلا   محبِّة   ربّي

وان قالو برَبّي  مفتون

بجاوب صَح  وما بخبّي


رَبّي   فهَّمني   وممنون

ما في  دِيِنْ  بْلى  محبي

وقللي بالفردوس   بكون

وشطَّب   لي   سيِّئاتي


××××

رَبّي    الخفَّف     آهاتي

شجَّعني   اضبُط    ذاتي

وكل ماجتمعو باسمو تنين

بيحضر تا يصيرو تلاتي

::::::::::::::::::::::::::::



Farah News