Farah News Online

  http://www.farah.net.au/


"الشاعِر جميل نقولا الحايك: "كان يا ما كان

| 04.10,16. 10:24 PM |






"كان يا ما كان"



بقلم الشاعِر جميل نقولا الحايك


حاسِس  تا حتى  خبّرِك  آن  الأوان

إنِّك   بقلبي  ساكني  صرلِك   زمان

وحاسِس تاحتى طلِّع المخزون حان

وخبّرِك  شو  بحِس فيكي من حنان



حسَّيتَك المَلكي وعا عرشِك صولجان

مع كل  نظره  بحِس عاطيني الأمان

وكلما شعَر بالعِزّ مُهري مُش جبان

ناطِر تا يغزي الكون بحبحلو العنان



قلنا  بياضِك  من  زهور البيلسان

وعابيدَرِك  قمِح الرَفَض يقبَل زِيوان

رَح  اختصِر وبدون ما كفّي  البيان

تا  ما  تظني جِيت  قدِّم   مهرجان



قصِّة هوانا واضحَه   بلا   ترجمان

ومُش  طالبي  منا   زمان  ولا  مكان

قومي   تا   حتى    نحَضِّر   لأفراحنا

قبل ما نصفي بحلِم  كان  ياما  كان


"خواطر"


شَب وبنِت طول الخطوبي يكزدرو

وبقيو شي عشر سنين عَم  يتشاورو

وبأربعين   العُمِر    عقلوا    وقرَّرو

تا  يبرموعا   بَيت   لايق    يشترو



بلاَ  طول  سيري  تزوجو وتشاطرو

جابوا   تلات    ولاد   ريتُن  يكبرو

ومن قبِل ما الأولاد  دخلوا  المدرسي
 
كسرو مرايات الشوفوهم  ختيرو


:::::::::::::::::::::::::::::::::::::


Farah News