"الشاعرجميل نقولا الحايك: "شروقي رقم 2 شايف بوجِّك

| 03.07,16. 01:00 PM |




"شروقي رقم 2 شايف بوجِّك"

بقلم الشاعرجميل نقولا الحايك



شايف بوجِّك حلِم عايش معي من زمان

متِل   الكأنِّك    الي   يا بنِت    خلقاني

وشفِت بجمالِك  شعِر محبوك  بالأوزان

متل الكأنو  فتى   من   ولاد    قصداني


وشفِت  بعيونِك  بحِر  مَيِّة  شرِب  مليان

وخدود  لون  الزَهِر عا  غصون  رماني

ولِلمَي   شفِت   البحِر   بعيونها   خرمان

وشو السِر بنِت  البحِر  تا تكون عطشاني


وشفِت عْلى كِل الوضع  متسلَّط  الحُرمان

وحَسَّيت   فيها   جرِح   منو  عَم   تعاني

والشفِت  فيها  وهِج  متِل  الجَمِر  شعلان

شو السِر  كانِت   بعِّز  الصَيف   برداني


وبرغِم  عندِك   رشاقه   بتشبه   الغزلان

قمتي  ومشيتي    بقدَم     بيقول    لِلتاني

تأهَب  ورانى  ذكي  خلقان   قبِل   الجان 

قادِر عاكشِف   الغَلَط   لو خلِف   الخزاني


ولما  سمعِت  الحكي  بَيَنِت   مُش  سمعَان

تا زيد  فيها   الثقى   وما  تكون   فزعاني

ومن ميل تاني صرِت  نادي يا مار سمعَان

ما تكون  قبلي  بحَدى  هَال  البنِت  علقاني


وتاني  عشيي   إجِت    تا تطِل  عالبستان

إجَّلِت  شغلِي  وعَدِت    تحِت    السندياني

وبالسندياني  العِنَب  يا  بركِت    الرحمان

عناقيد  قَد   الوَرَق   من   نوع    جوزاني


وصلِت كإنها  شمِس أو نور  من   بُركان

قلتلها   شو   السبَب    تا  هَيك    شعلاني 

قالِت  هَرتني   الشمِس   بجنينت    الرمان

ومنَّك   شويِّي    لأنَك    هَون     خجلاني


قلتلها   بْلاَ   خَجَل    نحنَ    أهِل    إيمان

وممنوع   إقّبَل    بغلطه    يضيع     إماني

وتخايليني   صرِط   عامِل   بَطَل    نسوان

وبكِل  حفلي   عْلى   أوَل   صَف   نسواني


ضحكِت  وقالِت  اللي  انتَ   ذكي  وفننان

بتعرِف   تغِل   بعواطِف   بنِت    فهماني

صياد صاحي ما في  عندَك   سهِم   فلتان

ومفروض عاللي   وصلو  سهمَك   يعاني


بتكذِب عليي ان قلِت غيري  بنِت  عشقان

وبكذِب عليك  ان قلِت  غير انِت  عَشقاني

وبتكابِر ان  ما قلِت  فيي  صرِت  سرحان 

ومن  كِل   قلبي   يا رَب   الشعِر  بتحَداك

ان  كنِت   قادِر   لِساعِة    وقِت    تنساني

"خواطر"

عم تتحَدي  ومَحلاكي

نيالِك   وَين    إساكي

و بْلى ما تتحدي  بقول

مُش رَح  اقدِر  انساكي

××××

ساعة ما جيتي  بهَالَّون

جبرتيني  قلِّك  من  هون

الساعه بتسوى حدِّك كون

وشو بيسوى الكَون بلاكي

××××

عم تتحدي ومحلاكي

نيالك  وَين    إساكي

و بْلى ما تتحَدي  بقول

مُش رَاح  إقدر انساكي

××××

مُش رَح انسى هاك الغُمِر

الغمرتني   بزنود    السمِر

وعندي  بتسوى كل  العُمِر

العشتو   ساعِة     ملقاكي

××××

عَم تتحدي  ومحلاكي

نيالِك   وَين   إساكي

وبْلى ما تتحدي  بقول

مُش رَح  إقدِر إنساكي

::::::::::::::::::::::::::



(Votes: 0)

Other News

‎‎الشاعرة عناية زغيب: وحي خواطري "الشاعر جميل نقولا الحايك: "روباعيات منوعه رقم 3 "الشاعر جميل الحايك: "نجوم وقمَر الشاعرة عناية زغيب: قدسُ الوصال "الشاعرجميل نقولا الحايك: " شروقي تخوني عيوني رقم 8 الشاعِر جميل الحايك يرحب بالشعراء السادة أنطوان سعادة جورج أبو أنطون والياس خليل الشاعرة عناية زغيب تهنئ مسلمي العالم وابناء الجالية بشهر الغفران والتوبة محاورة ساخنة بين الشاعرين مروان كساب وجميل الحايك رقم10 "الشاعر حنا الشالوحي: "بمناسبة ختام شهر العذراء الشاعرة فلورا قازان شهادة الزمن "الدكتور الشاعِر مروان حنا كساب "تألقُ شعراء الزجل البناني في استراليا "الشاعر جميل نقولا الحايك "روباعيات منوعه رقم 3 "الشاعر جميل الحايك: "روباعيات منوعه رقم 2 الشاعر جميل نقولا الحايك:"روباعيات منوعَة رقم 1" محاورة ساخنة بين الشاعرين مروان كساب وجميل الحايك الرده 9 من الشاعر جميل الحايك الى الشاعر جورج منصور الشاعرة فلورا قازان: عند باب المذهبية "الشاعر جميل نقولا الحايك" "انظرو هذا الكلب الوفي الشاعرة عناية زغيب: مشلوح من حالي الشاعرة عناية زغيب: مشلوح من حالي الشاعر محمد وهبه‏ :الإمارات الحبية الشاعر جميل نقولا الحايك: "فتَحي دَيّكي يا إمي" بمناسبة عيد الإم "الشاعر جميل نقولا الحايك: "يوم عيد الإم" "فرَح الإبن بالإم "الشاعر جميل نقولا الحايك: "دمعتي بمناسبة عيد الإم "لقاءالجمعة العظيمة" "الشاعر جميل الحايك: "عيد الفصِح جايي "الشاعِر جميل نقولا الحايك "بمناسبة عيد الشعني عباس علي مراد: موانئ الشوقِ قصيده مرفوعَه بقلم الشاعِر جميل نقولا الحايك الشاعر د. جميل م. الدويهي: غريبٌ أمرُ هذا الحُبّ