"الشاعِر جميل نقولا الحايك "بمناسبة عيد الشعني

| 26.04,16. 11:02 PM |


"بمناسبة عيد الشعنينة"



بقلم الشاعِر جميل نقولا الحايك



رحِت يوم الأحَد  شعنِن  ولادي 

بِشَمعات  وبزيني  مُش  زيادي

ومتلي متِل  غيري   مع   ولادو

وفرَح  بالناس  فوق   الإعتيادي


شكرِت ربي  العَم  يوجِّه  عيبادو

على  الدين   الما   لازملو  أعادي

تا يعطي  جِيْل    منوا    بيستفادو

كل    الآمنوا      بسِر     العمادي


وبالكنيسه  كتِر  ما  الناس    زادو

حملِت  ابني  اللي  بعدو عَم  يدادي

شعرِت  انو  الفرَح  فرفَح    فؤادو

عند  ما  صار   يندهللي   يا  دادي


سمعوا  اخوتوا   وصاروا    ينادو

عليي وقال   شوف   القلِت    هادي

قلِت   طالِع   بَطَل    بيَّن    جِهادو

بهَل  الكنيسه  اللي سقفوها  بأيادي


سمعوا  وبالحَكي  ما كتير     شادو

لتفَت  ليّي  الصبي  وقللي    الفادي

بعَت  روح  القدُس   حرَّك    جمادو

تا حتى  نقول   خيّي   الحَكي  بَللش

بهَل  الكنيسه   الهواها  من   بلادي


"جواب الأب"


يا فرِخ البَط  مَع  باقي  ولادي

أنا  عليكُم   يا  بَيِّي    اعتمادي

لأني  صرَفِت  نصف  العُمر رَبِّي

تا يبقى غصنكُم   زاهِر   ونادي


أنا  حَظِّيِّ   قلبني    ألِف    قلبي

ولحِدّ  اليوم  مُش  كابي  جوادي

لأنو  الرَب    علَّمني     المحَبي

وأنا  بالرَب    ثابِت      اعتقادي


وأنا من الرَب كل ما طلبِت طلبي

لنا بطلُب  وبطلُب   لِل   الأعادي

ولكُم  بطلُب  تا ما  تكونوا  مسبِّي

وتحتى  من  الصدِق  تجنوا  إفادي


ما عندي  سِر  تا  عا  الناس  خَبِّي

لإني  بهَل   العمر   رايق   وهادي

وبدِّي   تعرفوا   من   فضِل   رَبي

الدني  بتحزن  إذا  بيمحِل  حصادي


وقَدَر  يا  سنين   ما  عليي    تصبِّي

غضَب  بيدَل   طيري   طير   شادي

لإني    مدخَّل      الفادي       بقلبي

وتا  ترتاحوا  يا بيي  منِ  المَصَايِب

اتطلبوا عا  قلوبكُم    يدخُل   الفادي


"خواطر"


قبل الشعنينه بجمعه 

 ببقى مشغول 

حتى زينلِك شمعَه

 تزيدِك بالطول

××××

زهور الداره غنولِك 

يا بنت الناس

وبالغنيه قالولِك

زهره  بتنباس


أحلى شمعَه جابولِك

وبدون قياس

طلعِت عالقَد بطولِك

شي مُش معقول

××××

قبِل الشعنينه بجمعه

ببقى مشغول

حتى زينلِك شمعه

 تزيدِك بالطول

×××× 

لمحتو حبِّك بجنون

 الشافِك عالعين

وبيَّن متِل المديون

 الغارِق بالدين


ولو كرمالي مغبون

بيبقى سنتين

بضَل بشوفو بعيون

المَنَّو  محكول

××××

قبِل الشعنينه بجمعه

ببقى مشغول

حتى زينلِك شمعه

تزيدِك بالطول

×××× 

كل ما سألو عن اسمي

يا سِت  الكِل

بتقولي اسمي وكسمي 

من زهور الفِل


وانتي بتكوينِك نسمي

كل ما بتهِل

بتزيدي الطللي بسمِي

وحكّيِك معسول

××××

قبِل الشعنينه بجمعه

ببقى مشغول 

حتى زينلِك شمعه 

تزيدِك بالطول 

::::::::::::::::::::



(Votes: 0)

Other News

عباس علي مراد: موانئ الشوقِ قصيده مرفوعَه بقلم الشاعِر جميل نقولا الحايك الشاعر د. جميل م. الدويهي: غريبٌ أمرُ هذا الحُبّ "الشاعرجميل الحايك "عيد الشهداء استراليا الشاعر محمد وهبه:‏ حورية العسل الشاعر محمد وهبه:‏ إحساسي قلادة على صدرك محاورة ساخنة بين الشاعرين مروان اكساب وجميل الحايك رده8 "الشاعر جميل نقولا الحايك "صولجاني "محاورة ساخنة بين الشاعرين مروان كساب وجميل الحايك الردة"7 الشاعر محمد وهبه:‏ لغة العيون "خواطر بين الشاعرين مروان كساب وجميل الحايك "رقم 26 يحيى سكاف .. والزورق بالإنتظار الشاعر محمد وهبه:‏ أمي الحبيبة من الشاعر المهجري د. جميل ميلاد الدويهي إلى الشاعر الكبير نزار قباني محاورة ساخنة بين الشاعرين مروان حنا كساب جميل نقولا الحايك الردة 6 الشاعر محمد وهبه:‏ لغة العيون "الشاعر جميل نقولا الحايك "الحنوني الشاعر اللبناني المهجري د. جميل الدويهي: غيّرَني حبُّكِ الشاعرة عناية زغيب: وجع الغياب حَدّ القمَر للشاعر اللبناني المهجري د. جميل ميلاد الدويهي مغرومين" بقلم الشاعِر جميل نقولا الحايك" محاورة ساخنة بين الشاعرين الرده الخامسة بقلم الدكتور الشاعِر مروان حنا كساب الكاتب محمد وهبه: ديوان روح عارية‏ الشاعرة عناية زغيب: إسمع "محاورة ساخنة بين الشاعرين الدكتور مروان حنا كساب وجميل نقولا الحايك "الرده الرابعة "الشاعِرجميل نقولا الحايك: "عيد الحُب طوني حنَّا (النسر): عتابا Poet Tony Hanna:Singing "الشاعر جميل نقولا الحايك: "في عيد العشاق الشاعرة عناية زغيب: شرقيّةٌ حتّى النُّخاع