قصيده مرفوعَه بقلم الشاعِر جميل نقولا الحايك

| 25.04,16. 02:16 PM |



قصيده مرفوعَه بقلم الشاعِر

جميل نقولا الحايك

 

الى استراليا الحبيبه 

 "جايِّن تا نعيِّد شهيد كليبِّلي"

إلِك يا "استراليا"عَم  بنادي

تاحتى تسمَعيني  بجَو هادي

أنا حاسِس شهيدِك جزِء منِّي 

وبقلبي إحترامو  غير عادي


أنا الحكمِه خدِت منِّك تا غنِّي

لإنِك صاحبِت  أشرَف  مبادي

وخلّيتي  الشهيد  بدون  منِّي

يشعُر بالقبِر صاحِب  سيادي


وأنا القلِّي شهيدِك  قول عنِّي

بقلبي عِزّ   فوق   الإعتيادي

والِك بالقبِر عَم  يضرُب تمَنِّي

لأنو العدِل  فيكي مُش رمادي


ولإنو بهالبَلد  ما خاب  ظنِّي

اللي بعدو عَدلها للخَير هادي

إلِّي عليكُم   تا  ترتاحو  تَمَنِّي

لإبِن  الشَّر تختصرو  التمادي


وقبل ما يكون  ببلادي  طعنِّي

ما برضى تسمَحو يقتِّل ولاادي

ولا رَح بقّبَل  تقولو الشَر  هنِّي

الّبي غزَّي الشَر تقصير القيادي


أنا  ما   مِتّ   حتى   تمتحني

بلادي  بدون  ما تجني  إفادي

وَلاَ  ستشهدِت   تا  ينقال   إني

بطَل  رَد  الأعادي  بكِل   نادي


أنا  ما  طلبِت   إستشهِد   لأني

طالِع  عالسَما    كفِّي   العبادي

أنا بحِس الوَطَن  من صغِر سنِّي

كبِر فيي   وكبِر   حبُّو   بفؤادي


أنا ولادي  ولادي   المُش  تبني

تْرَكتُن  تا السلِم   يغمُر  بلادي

ما كانِت  رغبتي  إطلَع   الجنِّي

وإترُك  طفِل   بعدو عَم   يدادي


لا تدمَع  أنا   ستشهادَك    بهنِّي

يا عامِل   واجباتَك  عن  إرادي

قول   لنفسَك    علينا    إطمأنِّي

لأنو  رَح   منستشهِد   ان   شفنا 

عا  سلِم  البَلَد   مَمدودِه   الأيادي


"خواطر"

مين عْلى  سدني   بالعدِل  قادِر  يزيد


ومين غَيرها اللي سالِك الدرِب الرشيد

بأيا   بَلَد   ريِّس   ويزاره    بيستقيل

كرمال  غلطَه    بحَجِم    قنينة    نبيد

××××

انشالله يا دولتنا  بتبقي لِل الأمام

وبتعيدي بعيد الشهيد عْلى الدوام

وكِل  ما  بعيد   الشهيد   تعيّدي

يسوع يدعَم عُمرِك  بميتين عام

××××

غياب  الشهيد  البعِد  مرُّو  ماحِلي

لوكان ماستشهَد خصرنا المَرحَلي

ونحنا انشا  الله  للأبَد  بدنا  نروح

"عا  كلِبِّلي   نعّيِد   شهيد  "كلِبِّلي

:::::::::::::::::::::::::::::::::



(Votes: 0)

Other News

الشاعر د. جميل م. الدويهي: غريبٌ أمرُ هذا الحُبّ "الشاعرجميل الحايك "عيد الشهداء استراليا الشاعر محمد وهبه:‏ حورية العسل الشاعر محمد وهبه:‏ إحساسي قلادة على صدرك محاورة ساخنة بين الشاعرين مروان اكساب وجميل الحايك رده8 "الشاعر جميل نقولا الحايك "صولجاني "محاورة ساخنة بين الشاعرين مروان كساب وجميل الحايك الردة"7 الشاعر محمد وهبه:‏ لغة العيون "خواطر بين الشاعرين مروان كساب وجميل الحايك "رقم 26 يحيى سكاف .. والزورق بالإنتظار الشاعر محمد وهبه:‏ أمي الحبيبة من الشاعر المهجري د. جميل ميلاد الدويهي إلى الشاعر الكبير نزار قباني محاورة ساخنة بين الشاعرين مروان حنا كساب جميل نقولا الحايك الردة 6 الشاعر محمد وهبه:‏ لغة العيون "الشاعر جميل نقولا الحايك "الحنوني الشاعر اللبناني المهجري د. جميل الدويهي: غيّرَني حبُّكِ الشاعرة عناية زغيب: وجع الغياب حَدّ القمَر للشاعر اللبناني المهجري د. جميل ميلاد الدويهي مغرومين" بقلم الشاعِر جميل نقولا الحايك" محاورة ساخنة بين الشاعرين الرده الخامسة بقلم الدكتور الشاعِر مروان حنا كساب الكاتب محمد وهبه: ديوان روح عارية‏ الشاعرة عناية زغيب: إسمع "محاورة ساخنة بين الشاعرين الدكتور مروان حنا كساب وجميل نقولا الحايك "الرده الرابعة "الشاعِرجميل نقولا الحايك: "عيد الحُب طوني حنَّا (النسر): عتابا Poet Tony Hanna:Singing "الشاعر جميل نقولا الحايك: "في عيد العشاق الشاعرة عناية زغيب: شرقيّةٌ حتّى النُّخاع الشاعرة عناية زغيب : صريعة نظرة عباس علي مراد: على أجنحةِ اللهفةِ