Farah News Online

  http://www.farah.net.au/


الشاعرجميل نقولا الحايك.."بيتي بيتها"

| 13.05,14. 01:31 AM |



 

بقلم الشاعرجميل نقولا الحايك

"بيتي بيتها"



 

يا قصِة الما  بفيد لو ما حكيتها

 

وشاعِر أناني  بكون  لو خبيتها

 

رَاح قولها وخلي الحقيقة  بزيتها

 

تصرَخ كفَى كل ما بحنيني قليتها

 

 

مره  بنِت  عملِت  عمَل   حَيَيتها

 

وقربِت  عليي    بالنَظَر   لاقيتها

 

ومن قبِل  ما إحكي  معى  تمنيتها

 

وبعيونها  نظرة  غرامي   رميتها

 

 

ولما  العطَش  بين عليها  سقيتها

 

انتعشِت  و نامِت  بالوفا  غطيتها

 

ومن  كتِر ما بأحلى   شعِر غنيتها

 

حَسَّيت     إني     للأبد     غفيتها

 

 

والقهوة   المُره   وقِت   ما  غليتها

 

من أفضَل  الأنواع   قهوي  مليتها

 

وفنجان   قهوتها  وقِت  ما عطيتها

 

حَسِّت  كأنو  مال   كسرى   هديتها

 

 

وحَسِّت    كإني    بالقلب    ضبَيتها

 

وبغير   أنواع    الشرَف   ما طليتها

 

وساعِة   ما قصتنا   برواق    رويتها

 

وطلَبِت  حتى    يصير   بيتي    بيتها

 

قالِت  إلي  ببرُم  عمِر تاحضِيت  فيك

 

مخلص وفي   وبنِت   الوفيي    لقيتها

 

"خواطر"

 

رح جاوّبَك شو السِّر يا طارِح سؤآل

 

كيف   الثقا  بالجو   خلقِت   إعتدال

 

الصَالح  عا طول  بيلتقي   بالصالحه

 

وإبن  الحلال  بتعجبو   بنِت   الحلال

 

×××

 

قالِتلي  حوِّل  بعد   بيي  ما غفي

 

قلتلها    ما بصدقِك     تا  تحلفي

 

ضحكِت   كإني   الكون   قدمتلها

 

وقالِت يا أهلا ومَرحَبَ بأطيب وفي

 

××××××××××××


Farah News