Keyword: From Date: To Date:

الشاعِر جميل نقولا الحايك: " تكريم الضيف"

| 05.03,17. 11:14 AM |




" تكريم الضيف"
تألَّق الزجل اللبناني يوم الجمعه  في دارة
الشيخ الشاعر مروان حنا كساب
تكريماً لضيفِه  ورفيق عمرِه الآتي
من لبنان السيِّد أمين ديب المحترم
ولفيف من الشعراء والأصدِقاء الأوفياء
وهذه قصيدة الشاعِر جميل نقولا الحايك
لهذه المناسبه القيِّمه.





يا بو  مروان  نحنا  مراقبينَك

من الحّظه  القفَل زندَك عرينَك

تا حتى توصل لسدني بسلامي

وتا فيك  يرحّبو اللي  ناطرينك


لأنَك   محترم   سيِّد   عيصامي

شهدولَك   قبل   منّي     سنينَك

ولأنَك   ما   بترافق    انهزامي

ولا  بتحقُد   على   اللي  آزّيِنَك


وتا تحمي الوطن بالصَّف الأمامي

ابتوقَف    والنشامه   محاوطينَك

حتى عن  أرض   اهلَك   تحامي

وتعطي  دروس   لِلمُصتزغرينَك


وإذا  شَكَّيت    بنزاهِة    كلامي

حقّك  ما  رَح    نبقى   لايمينَك

وقلِت كيف شكِل عاطِيك العلامي

بقلّك   مين   قللي   انِت   مينَك


الفضل بيعود  كللو لهَل المحامي

البيحامي عليك  أكّتَر من  يمينَك

ولأنو  شهِم    مجبول    بكرامي

محَل    الكان    رافعلَك    جبينَك


أبو   وليم   على   الإمان   نامي

ولو   دنتو    ما   بيفكِّر    يدينَك

لأنو    بطيب     قلب    وابتسامي

قبِل  ما  تسألو   بيركُض   يعينَك


والَك   يا   أخ   ألبار   احترامي

وبلا  ظغرى  قبِل  مُش شايفينَك

انشالله  تصير   مرجَع  اهتمامي

تا  حتى   نصير   أكتَر  عارفينَك


ويا  ابن  معوض  الكلَك  شهامي

نحّنا   بلا     زعامي     مقدّرينَك

وما ذالو  بيتكُم    بيت   الزعامي

وين    الغلَط    نبقى    شاهرينَك


وانِت يا  جون  كرَم  لِلشعِر هامي

عا كل  الأرض  عم  تفرُش  حنينَك

كيف  ما كنِت   قدرَك   قدَر سامي

ومحقَّق      طموح      مناصرينَك


انِت انسان   من   طبعَك   نيظامي

وأهّلَك     بالطفولي       مدَلِيلينَك

أنا  المتلَك  ما  بحسبهُم  خيصامي

لكن   لو   بتعلَق   مع   بو    وليم

شو بدو  يصير معَك  مُش ضامنينَك



"خواطر"

أهلا وسهلا بإبن الدير

الجاينا عا جناح الطير

ونيال  الجايي   بالجو

ما بيتلاقه  بعجقة سير

××××

شمالي بلادي لما يهِب

مناخو  بيتفوَّق عالطب

ونشكر الله  خلقنا  نحب

والبغض   تركنا   لِلغير

××××

أهلا وسهلا بإبن الدير

الجاينا عا جناح الطير

ونيال  الجايي   بالجو

ما بيتلاقه  بعجقة سير

::::::::::::::::::::::::

جميل نقولا الحايك



(Votes: 0)